លោក Tom Brady បានអះអាងថាគាត់នឹងនាំ Lionel Messi ទៅកាន់ក្លឹប Birmingham City អោយទាល់តែបាន បន្ទាប់ពីកីឡាករបាល់ទាត់បែបអាមេរិកជើងចាស់រូបនេះមានវត្តមាននៅការប្រកួតរបស់ Inter Miami ទល់នឹង FC Cincinnati។

Brady បានក្លាយជាម្ចាស់ភាគហ៊ុនភាគតិចនៅ Birmingham City កាលពីឆ្នាំមុន ហើយបានចូលរួមយ៉ាងសកម្មនៅក្នុងវិស័យបាល់ទាត់នាមួយរយះពេលចុងក្រោយនេះ។ Brady បានជួបជាមួយ Messi និងម្ចាស់ក្លឹប Inter Miami លោក David Beckham ហើយអ្នកទាំងបីបានអង្គុយទស្សនាការប្រកួត ខណៈដែល Luis Suarez បានស៊ុតបាល់បញ្ចូលទីពីរគ្រាប់ ដើម្បីរក្សាតំណែងរបស់ Inter Miami ក្នុងការប្រកួត MLS Playoffs។ អ្នក​ទាំង​បី​ក៏​បាន​ថត​រូប​រួម​គ្នា​ផង​ដែរ ខណៈ​ដែល Beckham បាន​ដាក់​ហៅ Messi នឹង Brady ថាជាបុគ្គលដ៏អស្ចារ្យបំផុតទាំងពីរថែមទៀតផង។

នៅក្រោមការបង្ហោះរបស់ Beckham លោក Brady បានធ្វើការបញ្ចេញមតិជាសាធារណះថា "ខ្ញុំនឹងនាំ Lionel Messi មកកាន់ Birmingham ជាមួយខ្ញុំ។ សុំទោស David Beckham"។ អ្នកគាំទ្រជាច្រើនបាននាំគ្នាចុចបេះដូងទៅលើការបញ្ចេញមតិរបស់ Tom Brady ដោយសរសើរថាលោកពិតជាមនុស្សដែលពូកែកំប្លែងមួយរូប ហើយតែងតែមានការពាក់ព័ន្ធជាមួយនឹងវិស័យបាល់ទាត់៕